Postkort; Almerket, elveosen, sjøkanten og hamna i Odda om lag 1910.
Dette motivet er ein svært god dokumentasjon av situasjonen i Prestgarden og på Almerket få år etter at industrialiseringa var starta. Vi ser at trikken som går langs elva Opo er u ...
Dette motivet er ein svært god dokumentasjon av situasjonen i Prestgarden og på Almerket få år etter at industrialiseringa var starta. Vi ser at trikken som går langs elva Opo er undervegs mot kaien og lagerbygget (lenge før det vart "dicy-lageret") med karbid-tønner på planen, altså er produksjonen ved karbidfabrikken i gang. Vi ser òg hus langs elva, mellom anna vaskehus til hotella som vart borte få år seinare. Og på plassen sør for kyrkja er det ein stor klesvask på snora samstundes som det ligg turistbåt og mogeleg rutebåt på fjorden. Elva er forbygd langs osen og på øyra der lagerbygget er sett opp, og det er fyllt opp molo eller ein "rygg" der kranen på eksportkaien er plassert på skinnegang. I nedre venstre kant ser vi tydeleg det nye to-easjes bustadhuset som eigarane av Prestgarden (fru Herborg Prestegård, mor til Gro Holm) sette opp. Det gamle gardshuset i Prestgarden står framleis vis-a-vis det nye (dels skjult av eit mindre som står på tvers framfor). I Kleivavika står fleire naust, på Banhammar er det berre få hus og vidare utover mot Tokheim er det ingen hus før Askane. Tokheimselva renn ganske stor; begge løp er tydelege i nedre del.
Fotografering: 1909 - 1911
(Fotoet er tatt før husbygging på Egne Hjem, 1913, og litt etter at det store huset i Prestgarden sør for kyrkja var ferdig (ferdig i 1908). Jamfør med foto I-02378 K Knudsen&Co. )
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».