I samband med postkortutstilling ved Odda bibliotek, tidlig 2000-talet, ga utstillaren 6 postkort til biblioteket som takk for lån av lokale. Odda bibliotek ga desse postkorta til Kraftmuseet som gåve. På kortet står "Vossakone", men foto liknar på eit bilete av dronning Maud, som er trykt i boka "Dronning Maud, eit portrett" av Arvid Møller. Dette biletet av Maud blei teke i 1893, tre år før ho gifte seg med prins Carl (Haakon). - Sjå referanse. Det er kjend at Maud var i Odda som engelsk prinsesse saman med mor og systre, og at prinsessene kjøpte kvar sin hardangerbunad då. Eit av bileta som blei tekne den dagen heng på Ullensvang Hotel på Lofthus. Vi veit at dronninga også fekk ei Hardangerbunad i gåve av Ungdomslaget og kvinnene i Odda, då dei vitja Odda i 1906. Den bunaden var laga av Anna Jordal på Skjelmhaug.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».