Første del av kraftstasjonen i Tyssedal i 1908.

Kraftstasjonen Tysso 1 er eit monument i mur og tegl over ei avgjerande tid i norsk historie.
Kraftstasjonane var prestisjebygg. Dei var eit synleg teikn på den nye tida og velstanden krafta skulle føra med seg. Thorvald Astrup og Victor Nordan, to av dei leiande arkitektane i Norge, teikna Tysso 1. Astrup teikna første del av kraftstasjonen med boga vindauge og teglsteinsdekorasjonar. Nordan heldt fram i same stil.
Fyrste byggjetrinn vart utført i perioden 1906-1908. Oppstart var i mai 1908, då karbidfabrikken fekk elektrisitet frå Tyssedal for første gong den 04. mai. AS Tyssefaldene under Sam Eyde hadde frå byrjinga av planer om å utvida stasjonen etterkvart. Men dette måtte skje fortare enn ein hadde rekna med. Fabrikkane vart bygd ut og trong meir elektrisk straum. Kraftstasjonen måtte utvidast og det måtte byggjast fleire røyrgater.
Allereie i 1909 kom eit nytt aggregat på plass. Utvidingane skjedde i fleire byggetrinn, men arbeidet pågjekk nesten kontinuerleg fram til 1918. Då han stod ferdig, var kraftstasjonen 180 meter lang. Breidda var 10,5 meter, 14 meter i midtpartiet.

Fotografering: 1908 (16.02)

Eierskap