History
-
DNN - Det Norske Nitridaktieselskap - vart grunnlagt 20. august 1912, og den første fabrikken vart bygd i Eydehavn i 1912-1914. Det var Sam Eyde som fekk fransk kapital interessert i å reisa aluminiumsfabrikken. Tanken var å nytta ein patent på eit aluminiumsnitrat, noko som aldri vart gjort. Under 1. verdskrigen klarte ikkje Frankrike å skaffa nok aluminium til Italia, så ein måtte auka produksjonen. Det vart vedteke å byggja ein aluminiumsfabrikk i Tyssedal, med kraft frå AS Tyssefaldene, som kunne skaffa dei naudsynte 30 000 HK. Fabrikken i Tyssedal vart bygd på rekordtid i 1916. Overføringa av ein ferdig fabrikk frå Amerika gjorde at det gjekk så raskt å setta den opp i Tyssedal. Heile fabrikken vart transport med ei einaste skipslast med båten San Bernardo. (På veg attende til Amerika vart båten torpedert og senka i Nordsjøen).
DNN gjekk gjennom kriser både på 1920-talet, med fullstendig driftsstans i 1922 og vanskar under finanskrisa på 1930-talet. Etter 2. verdskrigen var det høgkonjunktur, og det vart gjort omfattande moderniseringsarbeider der omtrent alt av utstyr vart skifta ut. Ein ny fabrikk for framstilling av elektrodemasse vart også bygd. Det var om lag 500 tilsette på fabrikken på denne tida. Den første namneendringa skjedde i 1970, då DNN vart til DNN Aluminium AS. Frå 1973 rådde nedleggingsspøkelset, og dei tilsette på bedrifta, saman med befolkninga i Tyssedal, byrja kjempa for arbeidsplassen og hjørnesteinsbedrifta på tettstaden. I 1981 ville ikkje den nye Høgre-regjeringa halde lovnaden om å bevilga pengane som var naudsynte for å utvida smelteverket, marknaden var for ustabil. Men etter store protester frå folk i Tyssedal og Odda, vedtok Stortinget med eit knapt fleirtal i 1983 å gå inn for bygginga av eit ilmenittsmelteverk. I 1984 endra fabrikken namn frå DNN Aluminium AS til DNN Industrier AS. Det var K/S Ilmenittsmelteverk som starta produksjonen i 1986. Seinare har det kome nye namn som Eramet Titan & Iron, Tinfos Titan & Iron til det aktuelle Tizir Titanium & Iron AS. Tizir produserer titanholdig slagg og spesialråjern, og har eigne titangruver i Senegal. Bedrifta har i dag om lag 200 tilsette.
Fotografering
- ProdusentSvensson, Eriksikker
- Adresse,Norge Hordaland Odda Røldal
- GenderMann
- DigitaltMuseumSearch in «Svensson, Erik»
Classification
Placement
License information
Metadata
- IdentifierI-01177
- Part of collectionKraftmuseet - Norsk vasskraft- og industristadmuseum
- Owner of collectionHordaland
- InstitutionKraftmuseet
- Date publishedMarch 18, 2014
- Date updatedSeptember 29, 2023
- DIMU-CODE011012854325
- UUIDca8acd0c-939d-454c-bd3d-a807f245c5c9
- Tags
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».