Elevane får ein introduksjon til historia og omvisning i nokre av husa. Mellom husa i Prærielandsbyen har vi aktivitetar med utgangspunkt i kva den norske utvandrarane møtte og opplevde då dei kom for å busette og etablere seg i Amerika.

Aktuelle aktiviteter kan vera:

• Pil og boge, eit våpen som vart nytta til jakt både av indianarar og andre

• Luftgevær som også vart nytta til jakt og til å forsvare seg mot farar og fiendar

• Lasso som vart nytte til å samle kveg

• Leikar kjent for born både i gamlelandet og i Amerika

• Gullgraving

• Prøv tidsriktige klede for jenter og guter

• Ta Amerikabilete framfor flotte bakgrunnar slik at du kan ta dine eigne og sende heim

• Skrive Amerikabrev, der ein fortel om korleis ein har det, om lengt, og om gode og vonde sider ved reisa og det nye tilværet

• Bålpanne med leirstemning og cowboymat

Formålet med opplegget er refleksjon og å trekke parallellar mellom 18-1900-talet sin utvandring FRÅ Europa, til dagens migrasjon, både når det gjeld flyktningar TIL Europa, og arbeidsinnvandring i Europa.

Kunnskapsmål både innan for faga historie, samfunnsfag og geografi er aktuelle, der kulturmøte og flyktningar er tema, og elevane får innsikt i kvifor somme rømmer frå heimlandet sitt, og korleis det kan vere å kome til eit framandt land som flyktning.

Vi tek også for oss kva eit samfunn er, og reflekterer over kvifor menneske søkjer saman i samfunn, bruk av ulike kulturelle symbol og kva vi meiner med omgrepa identitet og kultur.