Draktsølv

Foto: Ragni Engstrøm Nilsen/Norsk institutt for bunad og folkedrakt

Utstillinga viser draktsølv frå Leif Flugon og Irmelin Benes’ samling. Samlinga er ei gåve frå Leif Flugon til Norsk institutt for bunad og folkedrakt.

Noreg har ein rik folkeleg tradisjon innanfor smykke og draktsølv. Draktsølvet var ein del av drakta, og samtidig tente det til dekorasjon og vern mot vonde makter. Former og motiv i draktsølvet peikar langt bakover i tid.

Hengjesmykke

Hengjesmykke bore av bruda har hatt namn som brudedalar, agnus Dei eller hengepenning. Brudgommen kunne bere ein brudgomskross. Bruken av kraftige kjeder til bryllaup går tilbake til 1500-talet, då dei var høgste mote og eit symbol på makt og posisjon.

Utstillinga visar sølv frå ulike stader i Noreg.

Artikkelen er ein del av ustillinga Fyrstedamer i bunad.

Brudekrone i sylv, forgylt. Breitt "band" i nedkant med dekor pressa både frå framsida og baksida. Mange små ringar i nedkant for feste til hår eller dekor. I øvre del av bandet er det nagla fast ei kroneform av pressa messing, med eit slags blad-/ plantemotiv. I annankvar spiss på krona er det nagla fast ei greinliknande form, pressa på same vis som kroneforma. Kvar grein har to store og ein liten kvist på kvar side. I kvar kvist heng eit lauv av ulike slag. Same type lauv heng alltid på kvar si side av greina, men av og til med ulik dekor. Det er skåleforma og rombeforma lauv. 5 par rombeforma lauv har gravert strålemotiv, 5 av desse er gravert på båe sider. To av lauva er i sylv og uforgylt, resten ser ut til å vere messing. To rombeforma lauv har prega dekor av kuler/ soler, og to har maskeform i tillegg. Desse lauva sit på kvar si side av krona og er ulike på kvar side av greina. Desse prega lauva er i forgylt sylv. Dei skåleforma lauva er alle i sylv. Eitt er forgylt, har tvinna tråd rundt kanten og har hatt tre filigransheng (to sit att). To par skåleforma lauv er forgylte og har prega mønster av 5 små blomar. Øvst i alle greinene heng eit korsforma lauv med gravering og heng av fire små, forgylte skåleforma lauv på båe sider. Eit skåleforma lauv manglar. Dei korsa som heng over dei rombeforma lauva med sol/ anlet er noko større enn dei to andre. På dei resterande kronetoppane er det påsett eit rombeforma lauv, to i messing og med enkel gravering, to i forgylt sylv. Alle fire har pressa mønster i korsform. Midt i kvar spiss på kroneforma heng ei kule i sylv, alle har vore forgylte. Alle kulene har ulike formar for filigransarbeid, ingen er like. Sjå målskisse.

17 bilder

Add a comment or suggest edits

For å publisere en offentlig kommentar på objektet velger du «Skriv en kommentar». For å sende en henvendelse direkte til museet velger du «Send en henvendelse».

Leave a comment or send an inquiry

Order this image

Share to