Dale kyrkje, Luster

About the object

• about
  Dale kyrkje, Luster Dale kyrkje i Luster i Sogn er ei steinkyrkje frå fyrste halvdelen av 1200-talet, rikt utstyrt med både bygningsskulptur i kleberstein, og eldre interiør frå mellomalderen og etter reformasjonen, som er teke vare på. Kyrkjeskip og kor er rektangulære og koret er rett avslutta. Våpenhuset og takryttaren over ...

  Dale kyrkje, Luster

  Dale kyrkje i Luster i Sogn er ei steinkyrkje frå fyrste halvdelen av 1200-talet, rikt utstyrt med både bygningsskulptur i kleberstein, og eldre interiør frå mellomalderen og etter reformasjonen, som er teke vare på. Kyrkjeskip og kor er rektangulære og koret er rett avslutta. Våpenhuset og takryttaren over inngangen i vest er bygde til på 1600-talet.

  Vestportalen i kleberstein er spesielt imponerande, med tre par halvsøyler og høg, spissforma boge. I Noreg er det berre Nidarosdomen som har rikare utforma portalar frå denne perioden. Korveggene er dekorerte med kalkmåleri frå slutten av 1500-talet, og somme stader ser ein delar av eldre veggdekor frå 1300-talet.

  Inventaret i Dale kyrkje er frå ulike tidsepokar. Døypefonten frå 1200-talet er av kleberstein og har firkløverform. Preikestolen er i renessansestil frå 1600-talet, medan den barokke altertavla og minnetavlene er frå kring 1700. Kring 1900 vart kyrkjebenker og galleri fornya, attåt to av vindauga mot sør. Preikestolen har bilete av evangelistane i sidefelta, og hovudfeltet i altertavla har figurframstillingar av Krossfestinga med Maria og evangelisten Johannes ved foten av krossen, flankert av Moses og døyparen Johannes. På toppstykket står den oppstådde Kristus med sigersfane.

  Kjelder:
  Ekroll, Øystein og Morten Stige: Kirker i Norge 1, Oslo 2000

  Expand text Collapse text
• IdentifierKA.2353
• Object typeDale kyrkje, Luster
• Current placementNorge Vestland Luster Bringebakkane 4
• Indexing termKalkmaleri fra middelalderen Før 1537 (middelalder) Kirke etter DnKs kirkeordning (K) Steinkirke fra middelalderen
• Type Building

• Construction

  Mur/stein, annen
  Langplan

• Status of buildingOppført
• Original functionReligion
• FunctionReligion