Fana har raud framside og lys grå bakside i tynn fanesilke. Tvinna snorer sydd til sidene. Gule frynser i underkant og på kappe i overkant. Tvinna gule snorer langs sidene Kraftigare, lause snorer med duskar som sidepynt. Motiv og skrift måla. Motiv på framsida: knyttneve og halv eikekrans. Spor etter fakkel som har vore overmal... Fana har raud framside og lys grå bakside i tynn fanesilke. Tvinna snorer sydd til sidene. Gule frynser i underkant og på kappe i overkant. Tvinna gule snorer langs sidene Kraftigare, lause snorer med duskar som sidepynt. Motiv og skrift måla. Motiv på framsida: knyttneve og halv eikekrans. Spor etter fakkel som har vore overmalt. Toppstong; kraftig, lakka trestong med toppstykke / pynt av messing forma som ei halv sol, innfelt i stonga. Sjå elles fyldig omtale i rapport frå Bevaringstenestene.
Fana til Odda arbeiderungdomslag var først innkjøpt og bruka av Odda Trearbeiderforening (Træarbeiderforening) som var stifta i 1907 eller 1908. Denne foreininga vart truleg avslutta då Oddafabrikkane stoppa i 1920-21. Frå 1924 gjekk alle foreiningane ved Odda Smelteverk AS saman i Odda Arbeiderforening, og fana vart "til overs". På lik line med praksis for andre fagforeiningsfaner, "arva" ein ungdomsorganisasjon fana. Ho vart då overmalt på framsida med namn og symbol for Odda Arbeiderungdomslag og bruka av denne organisasjonen. Odda Herreds Arbeiderparti oppbevarte fana etter at ho gjekk ut av bruk og dei tok i 2014 kontakt med Norsk Vasskraft- og Industristadmuseum for å få vurdert kva som kunne skje vidare med fana. Fana er opprinneleg laga av ein fanemakarverkstad (ukjent kven), men overmalinga verkar til å vera utført lokalt.
Fana er tydeleg og i bruk på foto I-05488.
Fana sendt til Bevaringstenestene, Museumssenteret i Hordaland 28. januar 2015 for vurdering av tilstand og kostnader for konservering. Ida Areklett Garmannn utførte tilstandsvurdering og kalkyle for restaurering, datert 12.06.2015, oppdatert 27.09.2017. Eigar følgde ikkje opp denne. Eigarskap var først uavklart, men frå 2018 vart ho gitt som gåve til museet og er oppbevart ved Fellesmagasinet hjå Bevaringstenestene.
Bruk: (Sluttår for brukstid er ikkje dokumentert.)
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».