Frå Mølstre, Mølstrevåg, i Sveio. Skal ha vore tenestejente i ein borgarskapsfamilie i Bergen og hadde skaffa seg hotellpraksis, som broren Theodor Simonsen. Kom til Odda for å vera koldjomfru eller likande ved Hotel Hardanger då Svein Tollefsen eigde. Fekk større og større ansvar, m.a. oldfrue er det sagt. Gifta seg med bror til Svein, Mikkel / Mikal / Michael Tollefsen i 1885. Vart "sjølvaste hotellfruo" og sto for dagleg drift saman med broren. Sofie og Mikkel fekk fem barn. Sonen Svein Wegner døydde 21 år gammal då han forsvann frå ein båt mellom USA og italia. Saman med mannen Mikkel bygde ho villaen Solheim ved Bakke i 1912. Mikkel døydde, og ho vart enke i 1915. Flytta tilbake til Mølstre i 1920 etter at hotelldrifta var slutt i Odda (kommunen overtok i 1917). Ho flytta då med seg huset etter Henry Boyd som hadde stått på nabotomta til hotellet.
Sysken: Ingeborg, gift med Nils Sandven, landhandlar, hoteleigar, post- og dampskibsekspeditør i Norheimsund. Theodor Simonsen, forretningsførar/kontorsjef på Hotel Hardanger. Oline Thomine, kalla Mina, gift med hotelleigar / vognmann Ole Thorstensen i Odda. Elisabeth Simonsen, ugift, "gjekk til hånde" på Hotel Hardanger i Odda.
(Kolltveit: Odda Ullensvang og Kinsarvik ..., bind 3:II side 244 og 277 og opplysningar frå familiemedlemer.)
Sofie Simonsen var gift med Mikal Tollefsen, eigar av Hotel Hardanger i Odda. Theodor Simonsen var ein kjend forretningsførar og var dagleg drivar av Hotel Hardanger i Odda. Ei anna syster, Ingeborg Simonsen døydde i 1912, så biletet er antakeleg teke etter det. Ingeborg var gift Sandven i Norheimsund. Ho og mannen dreiv Sandven Hotel.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».