HistoryF. 03.09.1881 i Vardø. Bosted i Folketellingen av 1910: Ullensvang, Nyland. Gift m fiskehandler Johan Emil Mathisen, f. 18.12.1875, f på Senja.
Mange flinke og radikale personar kom til Odda frå 1906 og utover. Anna var del av Hovde-familien som flytta til Odda. Mange flinke og radikale personar kom til Odda frå 1906 og utover. Anna var del av Hovde-familien som flytta til Odda. Dei første kom i 1907. Dei var glade i bøker og glade i å synge. Anna vaks opp i eit politisk miljø i Vardø, Finnmark.
Søsken: Nicolai, Edvard og halvbroren Nils.
Deretter var ho i USA før Odda. Den eine broren, Anianus Edvard Hovde (1875 - 1915) var den første som representerte Odda Arbeiderparti i kommunestyret frå 1913 då Odda blei eigen kommune. I Folketellinga frå 1910 er Anna registrert med yrke husmor / arbeiderkone, men ho og mannen Johan Mathisen (1875 - 1962) som kom frå Senja, dreiv fiskehandel i ei lita bu i Brotateigen. Dei var altså sjølvstendig næringsdrivande i liten skala. Dei leigde bustad i Hovlandhuset og i Kremarvegen.
Anna var ein svært aktiv medlem i Odda Arbeiderparti og Odda Arbeiderpartis Kvinneforening. Partiet var etablert i 1909 og kvinneforeininga i 1910. Då partiet delte seg mellom kommunistar og sosialdemokratar i 1923, gjekk Anna med det sosialdemokratiske mindretalet og danna Odda herreds arbeiderparti og Odda forenede arbeiderpartis kvinneforening, seinare Odda Arbeiderkvinnelag.
Anna kjempa for eit nytt og rettferdig samfunn der kvinnene både tok ansvar og hadde rettar. Ho trudde på likeverd for alle og frigjering for arbeidarklassen. Ho var politisk aktiv på mange felt. Det same var fleire andre i Hovdefamilien. I ettertid har Anna Mathisen fått ein nesten legendarisk status i Odda fordi ho ein gong oppfordra medsøstrene sine til sex-nekt når dei kom heim frå møte. Men i arbeidet for å gje barn- og unge gode fritidstilbod, gav ho alt.
Anna Mathisen blei pådrivar og formann i mødrehygienekomitéen i 1932 og seinare var ho leiar i styret for kontoret "i ein mannsalder". Ho måtte tola mykje kritikk for den innsatsen, men fekk også takk frå mange. I politikken engasjerte ho seg elles i omsorgsoppgåver og praktiske saker. Ho arbeidde for oppretting av aldersheim, folketannrøkt og offentleg skulemat. Ho og dei andre arbeidarkvinnene sto på for barne- og ungdomsarbeid med drift av sosialistisk barne- og ungdomslag og etableringa av Odda Ungdomskorps.
Anna såg på sosialistisk arbeid og lesing som to sider av same sak: skulle arbeidarklassen nå fram med sin kamp, måtte dei lesa og skulera seg. Ho hadde klassikarane innan skjønnlitteraturen, har niesa Inger Sivertsen fortalt.
Frå nettartikkelen "Anna Mathisen
f.Hovde, - kvinneaktivist og næringsdrivande sosialist. (1881 - 1966)" av fagkonsulent Brita Jordal, NVIM.
I familien vart ho kalla "tante Mathisen" og mannen Johan kalla dei "onkel Mathisen".
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».