Venner på biltur på fjellet.

Bilen er ein Buick 1927. Første reg.nr. var R-353. Bilen tilhøyrde då Ingvald Frøystein, som hadde drosjeløyve. Den kom til Odda i 1927, hadde kjennemerke R-353 i eit par år før den vart omregistrert til firesifra kjennemerke, og fekk reg.nr. R-6187. Medaljong for betalt årsavgift over reg.nr. forekom nokre få år kring 1930.

Bilen vart seld innan 1935, for då står Nils Løyning med Opel personbil i Norges Bilbok 1935. Dette bilete er antakeleg tatt på køyrevegen over Haukeli våren 1928 eller 1929.

Den gamle Haukelivegen vart påbyrja i 1857 og fullført i 1889 og snodde seg fram i 2,5 meters breidde over to fjellovergangar. Den var vinterstengt i perioden november til 1. juni, men kong vinter stengde nok vegen både tidlegare og heldt den stengt lenger utpå sommaren mange år. Difor var det eit sterkt ynskje om heilårsveg i lang tid som gjorde at arbeidet kom i gang i 1959. Heilårsvegen sto ferdig vinteren 1967/1968

Fotografering

• History

  Frå Kolltveit: Odda, Ullensvang....:
  son åt lærar Olav Nilsson Løyning (1885 - 1965, frå Seljestad, bruk nr.3, pl nr.1), og Sigrid Jakobsdotter Løyning (1888 - 1960, ho var frå Stuane). Foreldra kjøpte Stuane nedom Minne i 1915, der Nils vaks opp, som eldst av fire. Søskena var: Jakob, Oddmund Birger og Sigrid. Nils vart gift 28.08.1933 med Marta Thorvik frå Jondal. dei fekk eit barn, Sigrid i 1934. Gift 2.gong med Judith Pedersen (f. 1918). Nils Løyning var arbeidsformann på Norzink. (sjå og Kolltveit: Jondal i gamal og ny tid)
  Fotograferte mykje, mest på strekninga frå Hardangervidda, gjennom indre Hardanger til Haukelifjell. Mange av motiva hans er blitt solgt som postkort. Kraftmuseet har ei stor samling etter Nils Løyning

• Adresse,Norge Hordaland Odda Røldal
• ProfessionArbeidsformann på Norzink og fotograf
• GenderMann
• DigitaltMuseumSearch in «Løyning, Nils»