"Oddalinjene" frå 1908-1909. Dei gamle kraftlinene gjennom nedre Tyssedal har to rekker med karakteristiske grøne master. Kvar mast har to liner med tre leidningar kvar. Desse består av 450 mm² aluminiumskabel. Oddalinene gjekk frå kraftstasjonen til Odda smelteverk, delvis gjennom tunellar for å unngå rasfaren og bratt og vanskeleg terreng langs fjorden. Mastene er tilpassa terrenget, ei av dei står oppå ein kampestein og har fått tilnamnet "Bispen". Då anlegga var nye, gjekk også to jordkablar til Odda. Dei besto av jernbåndarmerte blykablar, kvar på 3x120mm² i tverrsnitt. Seinare er linjenettet bygd ut i tråd med endra behov og tekniske moglegheiter. Zinkfabrikken på andre sida av fjorden får straum gjennom sjøkabel.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».