History
-
Postopnar og landhandlar Bård Aga bygde dampskipskaien i 1870, på massane etter den gamle steinkyrkja. Aga jamna ut steinen, slo ned nokre pålar og la dekkplankar på, og ferdig var den fyrste dampskipskaien i Odda. Denne vart kalla Aga-kaien. Han utvida seinare kaien litt då båtane vart større. Bård Aga var også ekspeditør ved Hardanger Sønhordlandske. Sonen Fredrik tok over då faren døydde i 1893. Då Fredrik døydde i 1899, tok kona hans, Gurina Aga over HSD-ekspedisjonen som ho dreiv i mange år. Slik fekk kaien namnet Gurina-kaien. Gurina var kjend som ei streng dame, som gjerna kasta vatn på dei som ikkje oppførte seg. Sjur Aksnes, som hadde vore bakar i Amerika, vart tilsett som pakkhus- og bryggjemann hjå Gurina Aga. i 1911 kjøpte HSD bryggje og hus av Gurina Aga, men kommunen eigde framleis kaigrunnen, så HSD selde den gamle bryggja på Almerket til kommuen i 1917, då dei hadde bygd seg ny steinkai på eigedom dei kjøpte av Odda Handelsforening i 1912.
I turisttida, på slutten av 1800-talet og fram til 1914, var Almerket og Aga-/Gurina-kaien sentrum av Odda. Her møtte folk opp når "dampen" kom frå byen. Her kom fjordingane i land for å gå til kyrkje, eller for å setja i land fe og folk som skulle på stølsbeite om somrane. Ovanfrå dalen kom folk til kyrkje eller for å handla. Folk frå Ragde og Freim kom med båt over elvaosen. Einaste brua over elva den gong var ei trebru ved Vasstun. Folk frå Eitrheim og Tokheim hadde lende på Almerket før Eitrheimsvegen kom. Store folkemengder møtte opp då brislingfiskarane kom inn fjorden og la til kai med så mykje brisling i båtane at dei leverte ut bøttevis gratis.
Brudeferder og gravferder som kom fjordavegen, la til ved Gurina-kaien, seinare kom barkassane frå turistskipa. Jenter i Hardangerbunad stod klare til å ta imot turistane då dei gjekk i land, då vanka ofte nokre myntar. Gutane tente litt då dei rodde turistar i land med sine nypussa robåtar. I 1958 brann Gurinakaien, men vart redda frå øydelegging då britiske marinefolk på ein båt i Oddapollen fekk sløkt raskt. Gurina-kaien vart rive på 1960-talet.
Eierskap
Fotografering
- InformantRosengren, Per d.y.sikker
Classification
License information
Metadata
- IdentifierI-01871
- Part of collectionKraftmuseet - Norsk vasskraft- og industristadmuseum
- Owner of collectionHordaland
- InstitutionKraftmuseet
- Date publishedAugust 10, 2016
- Date updatedFebruary 15, 2024
- DIMU-CODE021016527559
- UUIDb5b5cd3c-e0e4-4d56-8116-708f84e3c99a
- Tags
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».