HistoryFødt i 1919. Far var svensk, frå Oscarström i Halmstad kommune i Sverige. Mora var frå Tysse i
Samnanger og døydde då Harald berre var 3 ½ år gamal. Han vaks opp hos besteforeldra sine. Byrja å
spele i Odda guttemusikk i 1934 og fekk si første musikkopplæring på trompet av Andreas L. Eide.
Guttemusikken skifta seinare namn til Odda Ungdomskorps og vart etter kvart ein del av Odda Musikklag.
Charles Nyman vart ein viktig lærar og mentor for Harald Knutsson. Han lærte å spele trekkspel av Olav
M. Mannsåker, som han trekkjer frem som svært viktig for si musikalske utvikling. «Han lærte meg ikkje
berre trekkspel, men også all annan musikk» (HF 13.10.1999)
Harald spelte, instruerte, dirigerte. Han spelte til dans med Hjørneviks trio. Samstundes jobba Harald som
rundskiftarbeidar, 11 år på Odda smelteverk og 19 år på Zinken. For å få betre tid til musikken tilbaud
kommunen 50% jobb i kulturskulen og 50 % i eldreomsorg. Ei tid var han styrar på elevheimen på
Rubinen og ei tid dreiv han og kona, Anne Marie, Odda ungdomsherberge.
Han dirigerte Odda Skolekorps frå 1962-1993. I 1981 leidde han korpset fram til 1. plass i Noregs
meisterskapen i 1. divisjon janitsjar. Han spelte heile tida i Odda musikklag, og var dirigent for laget frå
1967-1973. Han var medlem i Hardanger (?) trekkspelklubb frå… til…
Han slutta som instruktør ved Odda kulturskole i ein alder av 87.
Historieforteljaren – Harald Knutsson var ein formidlar av rang. NVIM har hatt gleda av historiane hans,
mellom anna i biletspelet «Borna på Bakke». Her fortel Haralds om oppvekst i det vesle industrisamfunnet.
Kjelder:
Hardanger folkeblad – diverse artiklar
Odda Musikklag 1907-1982 - Jubileumsskrift
Tekst kopiert frå arkivskaparomtale til Arkiv A-0228, Knutsson, Harald Kraftmuseet
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».