Villaen var bygd som direktørbustaden til Alby United Carbide Factory Ltd (AUCF) og North Western Cyanamide Company, eller Oddafabrikkene. Bygginga starta i 1906 med innflytting i ...
Villaen var bygd som direktørbustaden til Alby United Carbide Factory Ltd (AUCF) og North Western Cyanamide Company, eller Oddafabrikkene. Bygginga starta i 1906 med innflytting i 1907. Albert og Leonie Peteresson melde flytting til Odda sommaren 1907, men var her alt frå 1906. Truleg kunne dei melda flytting når dei hadde ein fast bustad. I mellomtida budde dei så langt vi har kunna spora i hotellet på toppen av Hovden (Vikinghaug hotel).
Dette er eit svært tidleg foto av direktørvillaen for Oddafabrikkane, teikna av arkitekt Jens Zetlits Monrad Kiellend (1866-1926). Vi kan sjå at hagen er under opparbeiding, før det kom plen og blomebed. Dette var før hagen vart kalla Brucehagen. Tidlegare namn var "Dr. Peterssons Villa som den ennu benævnes" står det i Odda Tidende 23. august 1916 i samband med avdukinga av minnebautaen for dr. Albert Petersson. Seinare namn: Brucevillaen". Både Petersson- og Brucefamilien kalla huset "Blåsenborg".
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».