Det store fartøyet på biletet er HMS Cyclops, depotskip for undervannsbåtar i den britiske marine frå 1922 til 1946, med undervannsbåtar fortøyd langs sida.
Skipet vitja Odda 12.-17.juli 1923. Kaptein Bower og hans mannskap på 1000 mann, stelte i stand fleire arrangement for lokalbefolkninga. Laurdagskvelden var det innbydd til dans ombord, der hundre damer fekk koma - dei skulle helst ha på seg Hardangerbunad. Fire eldre damer skulle føra tilsyn med at alt gjekk sømeleg for seg ombord. Småbåtar henta damene på kaia og frakta dei ut til skipet. Søndagen var 200 born inviterte til teselskap ombord. Då 500 barn kom stormande til kaia, bestemte kapteinen at alle skulle få koma. Alle var lika velkomne, og dei vart alle frakta ut til skipet med småbåtar. Jentene hadde blitt bede om å ha på seg bunad. På skipet venta sjokolade, klovnar, musikk og leiker før det vart servert te og kaker på fem bordsete med hundre born kvar. Kapproing med berre jenter fann også stad, med premiar til alle. Lokalavisa Hardanger, og folk i Odda elles, hadde vore skeptiske til opplegget, men var fulle av lovord i etterkant. Dette var ekte engelske gentlemen, og det hadde vore ei stilig, fri og utvungen folketilstelning.
Båtane M.K. Horton og HMS Conquest var også i Odda denne helga, og dei skipa til dans i Folkets Hus. Dei stilte med eigne musikkband. Damer kom inn gratis, medan herrene betalte 3 kr. billetten. Inntektene gjekk til Odda sjukehus.
Det store fartøyet på bildet er HMS Cyclops, depotskip for undervannsbåter i den britiske marine fra 1922 til 1946, med undervannsbåter fortøyd langs siden.
Espen Arnestad,
January 25, 2015
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».
1 comment
Espen Arnestad, January 25, 2015
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».