Politiet på plass etter ei ulukka i Røldal-Haukelivegen, Odda sentrum.

Røldal-Haukelivegen (no Gågata) i Odda sentrum sett sørover. Politiet gjennomførte oppmerking i gata etter ein påkøyrsel. Robert Henkel fortel: Gutar sparka fotball på plassen bak Handelshuset. Ballen trilla ned Rymbilsbakken og ut i RH-vegen og Victor Henkel sprang etter ballen. Han vart då påkøyrd av ein bil. Pilene viser politiet si oppmerking. Guten vart køyrd til sjukehuset.

Einar Ohm fortel om bygga på båe sider av vegen: Til høgre ser vi så vidt Olav Prestegård (Oa) sin frukt- og sjokoladebutikk. Det neste huset er Brekke-huset med bakeriet, og på hjørna er inngangen til Edgar Olsen sitt kontor. Han var agent for Haugesund Sjø Forsikring, sjå reklameskiltet. Det neste huset er meieriet, i huset etter det var radioforretninga til Knut Låte og urmakar Sivertzen, deretter huset til Eitrheim, og lengst oppe i Skrevet står kiosken. Til venstre ligg Handelsstandens Hus med Merkur Kafeteria, ovanfor det Handelshuset der mellom anna Telegrafen heldt til. Bilen som er parkert utanfor Telegrafen er ein Moskvitsj.

Fotografering: 1960 (28. mai)