Kolalageret sin bensinstasjon og lagerbygningar. Til venstre Olav O. Aga sine lagerbygg. Huset med "Good Year"-skiltet var bruka som stall for folk frå Odda-dalen. Høyloft over. De...
Kolalageret sin bensinstasjon og lagerbygningar. Til venstre Olav O. Aga sine lagerbygg. Huset med "Good Year"-skiltet var bruka som stall for folk frå Odda-dalen. Høyloft over. Det hende at dalingane som kom for å lossa båtane for kokos og kol overnatta der. Til venstre Fargo lastebil 1937-38. Bussen har registreringsnummer R-6385 og er en Reo årsmodell 1935 tilh. Hagens Rutebiler, Odda. Kilde: Rutebilhistorisk Forening.
Kolalageret stod på pilarer i kaiområdet i Eitrheimsvegen ved Brotateigen. Koks og kol kom ofte frå England med båt, men også småbåtar frå distriktet leverte. Bønder kom med ved som vart seld vidare. Kolalageret var eineforhandlar av ved og koks i Odda. Om lag 400 tonn kol og koks var lagra her. I byrjinga vart hest brukt til transporten. Seinare fekk lageret ein ett-tonns Chevrolet lastebil. Under krigen produserte Kolalageret Knott som vart brukt som drivstoff til bilar. Lageret vart også kalla "Odda Kul & Koks", og vart drive av to bergensarar, Kola-Nilsen og Sørensen då lageret vart bygd i 1909 til 1917. Jakob og Endre Digranes tok over i 1928. Endre Digranes arbeidde der til han vart 75 i 1974. I mars 1986 vart bygget rive, og kommunen fylde ut med steinmassar frå Zinken sine fjellhallar. Leif Bay, som også tok over Aga-bygg i 1980, bygde forretningsbygget sitt på tomta etter Kolalageret på 1990-talet. Her finn ein i dag (2025) m.a. Jernia.
2 comments
Ivar E. Stav, March 28, 2016
Ibar E. Stav, March 28, 2016
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».