Tunet i Vasstun. Til v.: våningshus bygt 1913. Til h.: den gamle stova i Vasstun som vart bygt om til kårhus. Det vesle huset står framleis og er bustadhuset i 2022.
Personar frå ...
Tunet i Vasstun. Til v.: våningshus bygt 1913. Til h.: den gamle stova i Vasstun som vart bygt om til kårhus. Det vesle huset står framleis og er bustadhuset i 2022.
Personar frå v.: Odin Råheim (?) (under treet), Jakob J. Jordal, Elias J. Jordal, Jakob O. Jordal, Herborg Jordal, Ivar Vasstun (Hildal) (eigde garden før Jakob O. Jordal), Gjøa gift med Ivar, Sofie Råheim, Birgit Abelsen, dotter Sigrid Abelsen, Hjalmar Abelsen, Sverdrup Råheim, gut ukjend.
Då huset var nytt i 1913 hadde dei innlagt vatn, men toalett i damhuset i løa. Slik var det lenge. I kjellaren var det stor vaske- og bakekjellar med gryte og krotakakeomn. Treverket i huset vart rive i 1957, men gråsteinsmurane vart ståande og nytt hus bygt opp i halvannan etasje.
HistoryFødt i Odda sentrum der faren dreiv handel og bygde Jordals hotel i 1891, (Bakke bruk 6). Elias kjøpte garden Vasstun br 1 med faren si hjelp i 1911. Bygde nye hus på garden: våningshus med utleigehusvere i 1913 og driftsbygning i 1929. Kausjonerte og fekk problem omkring 1920 og 1930, og måtte vera industriarbeidar på Nitriden (DNN Aluminium) i Tyssedal i ei årrekke ved sida av å driva garden saman med kona Ingrid og familien. Fire born som vaks opp: Jakob, Torvald, Herborg og Einar.
HistoryFrå bruk 2, Andretunet eller Øvstetunet i Jordal ved Odda/Sandvinsvatnet. Foreldre: Ola Helgeson (1813-88) og Gjøa Eliasdotter Eide (1815-1888). Nr 4 i syskenflokken. Starta handel i Odda. Bygde Jordals Hotell, sjå Bakke, bruk 6. Gift med Herborg Samsonsdotter Tokheim (1853 - 1920).
Våningshuset på garden i Vasstun, Odda, slik det såg ut frå 1913 til 1957. Huset vart bygt av byggmeister Johannes Mannsåker (1863-1933) i 1913, etter at garden var kjøpt av Elias J. Jordal og faren Jakob O. Jordal. Huset vart bygt med fleire utleigehusvere. Her står familien Jordal og fleire av leigebuarane utanfor.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».