Dei Vestlandske turnstemna vart haldne i Odda sundag 4. juni 1916. Turnlag med turnarar frå Voss, Haugesund, Stavanger, Sandnes og Bergen kom inn til Odda med dampskip. Til saman var 250 turnarar i Odda denne helga. Dei gjekk frå kaia opp til Folkets Hus, der dei fekk seg frokost. Så var det trening på skuleplassen før turnarane fekk middag hjå privatfolk i Odda. Deretter vart det halde oppvisning på skuleplassen i Odda, der ein talde kring 2000 tilskodarar. Laga konkurrerte ikkje seg imellom, stemnet var meint som ei rein turnoppvisning og for å vekka interesse for turnidretten. Verksmeister Roterud hadde kommandoen då alle turnarane med Odda turnforeining i brodden, opna med fellesgymnastikk. Seinare hadde dei einskilde turnforeiningane oppvisning. På kvelden var det fest på Folkets Hus for turnarane og innbudne gjester, medan funksjonærane hadde fest på Hotel Hardanger. Etterpå slo desse seg saman med turnarane på Folkets Hus. (Frå lokalavisa Hardanger tysdag 6. juni 1916)
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».