• 5. - 7. trinn: Norsk (NOR01-06)
• 8. - 10. trinn: Demokrati i praksis (DIP01-02), Kunst og håndverk (KHV01-02) and Samfunnsfag (SAF01-04)

Gratis museumsbuss er eit tilbod til elevar på 9. trinn på skular i tidlegare Sogn og Fjordane fylke. Les meir om vilkår på denne sida

Om dette opplegget

Vi startar med å sjå oss rundt i utstillinga "Hekt". Fleire av kunstverka i utstillinga har tematikk knytta til miljø, likestilling og politikk. Saman ser og tolkar vi symbolikk og visuelle verkemiddel i kunstverka. Vi brukar kunsten som utgangspunkt for å snakke om berekraftig utvikling: sosiale forhold, økonomi og klima og miljø. Vidare får elevane ei praktisk oppgåve der dei sjølv skal kommunisere og jobbe fram idear visuelt.

Praktisk oppgåve: Berekraftig byutvikling

Elevane delast inn i grupper og får utdelt eit kart/foto av si eiga bygd eller by. Oppgåva dei skal løyse er å lage idear som gjev nye verdiar til byen/bygda. Gruppene får ulike fokusområder for oppgåva:

Gruppe 1 - idear som skapar økonomisk vekst

Gruppe 2 - idear som skapar trivsel og sosiale verdiar, det som gjer det godt å leve i bygda/byen

Gruppe 3 - idear som er bra for naturen, miljø og klima

Ideane visualiserast på kartet med forenkla formar, symbol og modellering. Til slutt skal gruppene presentere ideane sine for kvarandre og vi diskuterar fordelar og ulemper med dei ulike ideane. Kva slags interesser kjem i konflikt med kvarandre? For at utvikling skal vere berekraftig må ein ha fleire tankar i hovudet samtidig, vi må ta hensyn til alle dei tre områda: økonomi, sosiale verdiar og natur og miljø. Korleis kan vi justere på ideane slik at alle interesser blir ivaretatt?

I dette opplegget får elevane:

• oppleve kunst
• øving i å tolke symbolikk og visuell kommunikasjon i kunst
• øving i å kommunisere og visualisere idear
• øving i å diskutere, lytte og argumentere
• reflektere over korleis dei tre interesseområda kjem i konflikt, og at berekraft handlar om å ta hensyn til alle samtidig