Musikkmanuskript

Nettverket for arkivsamarbeid blant musea i fylket, Innlandsarkiva, har med utviklingsmidlar frå Arkivverket digitalisert materiale frå musea sine samlingar. Denne gongen vart privatarkiv som inneheld musikkmanuskript som notar, songtekstar og liknande prioriter. Arkivmaterialet vart sendt til fylkesarkivet på Lillehammer, der alt vart skanna.

Frå Valdresmuseas samling av privatarkiv blei det skanna sju ulike arkiv, med materiale frå åtte personar som på ulike og særeigne vis har gjort nedteikningar av musikk.

Arkiva er VFF 231 Ola Syversen, VFF 350 Frydenberg, Ragna Brenno Frydenberg og Ola Brenno Frydenberg, VFF 428 Nils Wiste, VFF 473 Olav Snortheim, VFF 514 Ola Hjelle, VFF 615 Margit Nordheim, og VFF 676 Martin Lundstein.

I det skanna materialet finnst blant anna ei handskrive songbok frå 1873 i arkiv etter Ola Syversen, notar til forskjellig folkemusikk nedtegna av Ragna Brenno Frydenberg, notar til blant anna «Trollhalling» og «Halling etter Myllarguten» og fleire slåttar nedtegna i arkiv etter Olav Snortheim, små skribleri til songtekstar i arkivet etter Ola Hjelle, handskrivne tekstar til «Borghilds vuggesang», «En av Per Nordslettens siste sange» og fleire songer i arkivet etter Marit Nordheim, og polka, vals og meir nedskrive i noteboka til Martin Lundstein.

Alle som ynskjer innsyn i materialet kan ta kontakt med museet.