Sayed Sattar Hasan - Hasansens kjelke

Inspirert av den norske polfararen Fridtjof Nansen, som utvikla ’Nansen-kjelken’ for å krysse Grønland i 1888, har Sayed Sattar Hasan smelta i hop tradisjonell norsk og pakistansk handverk for å lage ein hybrid slede. Slik har Hasan vorte Noregs første tradisjonelle Charpai-kjelke-makar under den nye identiteten Hasansen.

I staden for å våge seg ut i ukjende geografiske landskap, utforskar Hasansens kjelke kulturelle grenser. Målet er å finne nye måtar å diskutere kulturelle og nasjonale identitetar på. Nærværet av ulike kulturar i samfunnet vert kunstnarens utgangspunkt når han forsøker å førestille seg mogleiken for nye objekt og historier som speglar tilstanden til det moderne samfunnet. Prosjektet tek opp spørsmål om tradisjon og arv og spenningane mellom det å bevare fortida og omfamne endring. Charpai-kjelken vert dermed eit hybridisert objekt som bitt saman fleire kulturar samstundes som det uttrykker eit nytt kulturområde som går utover forenkla førestillingar om nasjonal identitet.

For å lage den første versjonen av Hasansens Kjelke, bygde kunstnaren relasjonar med ei rekke personar, og deira innsats var avgjerande for å realisere prosjektet. Thomas Aslaksby, ein skiprodusent frå Valdres, Noreg, pilte ein nøkkelrolle i å lage skia og ramma, samstundes som han ga viktige råd om kjelkeutforminga. Tayyeb Hassan, ein charpaimakar frå Sheikhupura, Pakistan, laga beina ved hjelp av ein tradisjonell fotdreiebenk. Det ga kjelken ein tydeleg sørasiatisk kvalitet. Til slutt vart madrassen til Charpai-kjelken laga av Oslo-bebuarane Ruhkaia og Iqbal, eit ektepar som ikkje hadde vove ein charpai på over 50 år, sidan dei migrerte til Oslo frå Pakistan.

Hasansen testa kjelken på Kolsås Skisenter, Oslo, i februar 2020, kor den utførte både stasjonære og høghastigheitsoppgåver med imponerande resultat.

Les meir under verket...

Collapse text