Tre, lafteverk, tømmer eller planker
Laft. I 2019 fekk badstova skifertak, etter å ha hatt tak av eternitt sidan 1959. Taket vart lagt på bygningsvernkurs i regi av Valdresmusea.
"På 1700- og 1800-talet foredla gardane sjølve det meste av det dei produserte. Etter at kornet var treskt, måtte ein turke det. Husmenn som hadde lite korn tørka det heime. Dei slo kornet over i ei panne eller gryte og turka det med liten varme medan dei rørte i det med ein trespade til det vart rimeleg turt. Dei større gardane bygde eigne hus for turking av korn. Slike stod som regel nær bekkekvernene. I badstovene var det store røykomner, og langs veggane hjellar for korn og malt som skulle turkast. Denne badstova stod på garden Åsen og vart truleg bygd kring 1760. Ho vart gitt til bygdesamlinga av Arne Eid og flytt til bygdesamlinga i 1959. Badstova hadde platetak i mange år, men fekk i 2019 skifertak, slik ho truleg opprinnerleg hadde."
Frå føraren til Bagn Bygdesamling "Eit gløtt av gamletida" (2000):
"1959 Badstove. Til Tørking av korn. Huset vart gitt av Arne Eid, og var bygt i Åsen oml. 1760. Arbeidet med flyttinga vart utført av Peder Lundelien og Olav Tronsplass." Arne Eid var fødd 1905 og dreiv Åsen.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».