Kniv

Kniven er ikkje stempla, men vert vurdert som eit sikkert arbeid av Halvor Teigen (1818-1910). Vurderinga er gjort av Arne Martin Solbjør, Dag Rorgemoen m.fl.

Utskore skaft truleg i buksbom.

Slire bukkehorn med roseskurd på både fram- og bakside.

Smale sylvholkar er originale, men skadde. Blad ikkje originalt, og utskifting/reparasjon er ikkje gjort av kyndig. Svært enkelt utført med bruk av ukjend lim/støypemiddel. Også sprekk bak på slira er forsøkt limt med same limet.

Vidare datering/proveniens vurdert som sikker: Kniven er laga mellom 1850 og 1861, etter at Teigen byrja på treskjararverkstaden til de Conninck i Kristiania og før fyrste eigar Olav Gunnarsson Geitestad/Tortveit/Thortvedt (1829-1908) utvandra frå Fyresdal i 1861.

Olav G. Thortvedt med familie utvandra fyrst til Houston MN, og budde der til 1870. Då vidareemigrerte dei til Red River Valley og var mellom dei fyrste busetjarane i dette området. Thortvedt-familien rydda og bygde opp Thortvedt farm, som vart eit sosialt og kulturelt sentrum for dei mange norske busetjarane i området. Dei var svært oppteken av utvandrarhistoria, banda til Fyresdal og slekt, og tok vel vare på dei gjenstandane som dei hadde hatt med seg. Sonen Levi (1860-1936) overtok farmen, og etter han og kona Ingeborg Midgarden (1859-1936) budde og dreiv dei ugifte borna deira vidare. I samband med dokumentasjonsprosjektet Red River Girl (ref. boka) var VTM på farmen i 2019. Den hadde stått ubebudd då i fleire år, men lite og ikkje var endra sidan siste generasjon døydde ut. No er garden seld, men museet i Moorehead, Historical and Cultural Society og Clay County har ein brei dokumentasjon av livet på garden gjennom arkiv, kunstnarlege arbeid og gjenstandar.

Produksjon - Produsert: 1850 - 1861

Eierskap

Aksesjon: 2017