Bygging av løe på Heiabø i Ølen, ca. 1915. Sitjande øvst, frå venstre: Berge Klungland, Henrik Olsen, Ole Klungland og Simon Olsen. Nede, frå venstre: Johannes J. Heggebø, Thomas S...
SubjectBygging av løe på Heiabø i Ølen, ca. 1915. Sitjande øvst, frå venstre: Berge Klungland, Henrik Olsen, Ole Klungland og Simon Olsen. Nede, frå venstre: Johannes J. Heggebø, Thomas Skålnes, Osmond A. Skålnes, Gunnar Dørheim, Per Stumo, Bent Heggebø, Jens Hårde, Nils A. Skålnes og Tollef Klungland.
Aasmund Ekrheim kjøpte jordstykket av Johannes J. Heggebø i 1915. Eigarar sidan: Lars Larsen, Henry Nerheim, Bård O. Vaka.
-------------
Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.
I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».