Landhandelen på Innbjoa kai, ca. 1930. Det gamle og det nye handelshuset side ved side. Det gamle vart flytta til Apalvik.

Tekst til biletet:

"Johannes Johannessen på 'Buo' dreiv mange slags service:

Sonen Erling sit her frampå den store bilen. Arnold Lie ser me på stigbrettet til Reo'en. Vidare fru Berit Johannessen og dottera Solveig med Tor på armen. Butikkpersonalet og bakarane Th. Christiansen og Toralf Steinsland er også med på biletet. Notbåten ligg ved kaien med mannskap Anfinn Hetland, Peder Johannessen, Kristoffer Grønevik og ein mann til. I tillegg hadde han bensinstasjon, drosje, telefon, post og ekspedisjon for HDS bil og båt."

------------------

Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: 1930 (ca.)

Produksjon: 1985