Løynd sølvskatt
I vikingtida var sølv det vanlege betalingsmidlet, gjerne utforma som vridde eller fletta armringar og halsringar. Desse vart nytta som smykke, men var eigentleg ein formue i kontant metall. I urolege og usikre tider har ofte eigaren prøvt å løyna verdiane sine. Denne sølvskatten har opphavleg vore gøymd i myr mellom to hamrar, ikkje langt frå ein veg, der eigaren visseleg tenkte å koma attende. I 1000 år låg dei i jorda, før dei igjen såg dagens lys.