Nils Svensen Eide og kona Kjerstina Eide med barn. Nils var gardbrukar på Eide og hadde eit kvikt hovud. Han var engasjert i skipsverft, trelasthandel og notbruk. Skipsbyggingseven ...
Nils Svensen Eide og kona Kjerstina Eide med barn. Nils var gardbrukar på Eide og hadde eit kvikt hovud. Han var engasjert i skipsverft, trelasthandel og notbruk. Skipsbyggingseventyret han var involvert i nede i Eidssjøen på 1870-talet fekk ein tung slutt, då alt på garden deira vart teke pant i, men sidan arbeidde dei seg godt fram att. Dei var heldige med skogsspekulasjon og trelasthandel i tida frametter. Saman med Underbakke på Sand, kjøpte han ein stor skogateig på Randøynå. Det skal ha vore den største skoghandelen som har vore gjort i Ryfylke, og det var på Randøynå at sonen Sven Nilsen fekk namnet "Dreyfus". Sonen Mikael vart fylkesgartnar i Møre og Romsdal og sonen Hadle vart ein kjend bonde og snikkar på Hedland i Sandsbygda. Nils døydde alt i 1904, medan Kjerstina levde til ho var 99 år gammal. Då hadde ho budd 20-30 år hjå sonen Mikael. Tre av døtrene vart gift med kvar sin Gabriel.
Barna er, frå venstre: Inger, Marta, Sven (nyleg komen heim frå Amerika), Mikael, Hadle, Brønla og Olava.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».