Litt før klokka 16 den 23. april 1940 kom det første bombeflyet stupande inn over Odda i glideflukt frå Rossnos, og ei bomba fall på ei steinrøys i lia ovanfor Hjøllo. Steinspruten stod tvers over dalen og slo hol i hustak på andre sida. Hendinga var uventa, og flya kom så fort at det ikkje blei tid til å senda ut flyalarm. Ei av bombene fall i sjøen i Oddapollen, den neste traff huset "Ulvahiet" i Freimssanden. Her mista fire menneske livet. Ein halv time seinare blei sentrum treft, kaféen Skytningsstova vart smadra, og dei fleste husa i sentrum meir eller mindre ramponerte - vindauge var knust i heile nabolaget. Folk hadde søkt ly i eit provisorisk tilfluktsrom, så ingen fleire liv gjekk tapt.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».