Anna Jordal framfor Anna Jordals Drakthandel og skomakar H. H. Jordal ved Postvegen i Skjelmhaug, Odda sentrum.

About the object

• IdentifierI-00368
• Avbildet personJordal, Anna (1856 - 1925)sikker
  • History

    Anna Persdtr. Digranes (1856-1925), gift Jordal, busett i Skjelmhaug, Bakke, bruk 19. Ho kom frå Bakke, bruk 1, plass 2, Bakketræet, i følgje Olav Kolltveit si bygdebok, band 3.2. Ho dreiv med bunadssaum og draktutsal - "Anna Jordals Dragthandel".
    I folketellinga for 1900 er ho ført opp med "gjerning" «nationalsøm», "søm og handel med nationaldragt". Fleire personer i folketellingen for Odda er oppført med gjerning «søm av nationaldragt». Anna var ei av dei første forretningskvinnene eller kvinnelege næringsdrivande i Odda. Fleire selde sine produkt gjennom hennar butikk.
    Ho gifta seg med skomaker Helge Jordal (1852-1939) i 1879.

    Anna Jordals Drakthandel låg (først) i kjellaren i bustaden deira i Skjelmhaug, langs Postvegen i Odda sentrum, seinare adresse Røldalsvn 34 (no står Justisbygget/Rådhuset her, jamfør foto I-03556).
    Drakthandelen låg òg mange år i eit hus ved Rymbelen, vis-a-vis skysstasjonen til Grindheim (sjå foto I-02815), nabohus til /mellom Ohms turisthandel mot Postvegen og Eitrheimsvegen 5. Her selde ho heile nasjonaldrakter (bunader og bunadsdeler), litt sølv, vevde løparar, prospektkort.

    Anna Jordal var med då Dronning Maud i 1906 fekk nasjonaldrakt eller hardangerbunad frå Odda-kvinner, har barnebarnet hennar Dagny Rosendahl (1924-2009) fortalt til Kraftmuseet i eit intervju. Det same har Eli O. Aga (Bøyum) fortalt i intervju (band 110). Truleg var Anna då aktiv både som organisator og delprodusent for Maud-drakta som er eigd av Nasjonalmuseet og formidla på digitalt museum. I følgje "Avisen Kysten" m.fl., skjedde overrekkinga ved kongeparet sitt besøk i Odda 21. juli 1906. Eli O. Aga fortel òg at Anna Jordal og andre kvinner i Odda hadde ei foreining som dei kalla "Fantaforeininga". "Dei arbeidde for Weisenhuset i Stavanger. Weisenhus for foreldrelause barn. Og då slo dei seg saman og gav dronning Maud ei hardangerdrakt. Og dei var ombord med det" seier Eli O. Aga.

    Det er ikkje slått heilt fast kor lenge Anna Jordals drakthandel låg i huset i Eitrheimsvegen, men truleg var det frå slutten av 1890-talet og i alle fall fram til 1911 om vi skal datera ut frå det Eli O.Aga fortel. Turisttrafikken frå utlandet minka sterkt, men tok ikkje heilt slutt før utbrotet av første verdskrigen. Døtrene Gunnhild og Guro Jordal vart buande i Skjelmhaug. Dei lærte seg bunadssaum og saman med mora heldt dei fram turist- og husflidsbutikken i Skjelmhaug. Etter at butikklokalet var nedlagt, heldt dei fram med bunadssaum i heimen.

    Anna Jordal (1856-1925) var ei av dei fyrste forretningskvinnene i Odda. Ho var òg «heimelskvinne» for Dr Garmann Andersen når det gjeld ei undersøking han gjorde om helse/kreft i heradet. Margreta Utne Lutro som arbeidde med vevnad til hardangerdrakta, var ven med Anna Jordal, og dotter hennar, besta til Randi Bårtvedt, fortalde at dei var alltid oppom Anna Jordal når dei var til Odda med "dampen", - til dømes når dei skulle til tannlegen som små born.

    "Anna sydde seinare til kronprinsesse Märtha" er det fortalt, men dette er neppe mogeleg sidan Anna døydde i 1925 og Olav og Märtha gifta seg i 1929.

  • Alternative namesDigranes, Anna Persdotter
  • GenderKvinne
  • DigitaltMuseumSearch in «Jordal, Anna»
• Avbildet stedNorge Hordaland Odda Sentrumsikker
• Specific subject termsKvinne Kvinnearbeid Kvinnedrakt Hovudplagg Stovehus Skilt Skomakar Bunad Hardangerbunad Butikk Butikkar Trehus Gut Gutar
• SubjectAnna Jordal framfor Anna Jordals Drakthandel og skomakar H. H. Jordal ved Postvegen i Skjelmhaug, Odda sentrum.
• Type Photograph