Share to
Handel og handverk i vikingtid med særleg fokus på kvernsteinsproduksjon i Hyllestad – eit senter for både lokal verdiskaping og internasjonal handel. Kvernsteinsproduksjonen knyter vikingtid, kristninga av landet og mellomalder saman, og gir elevane eit nært møte med menneska som forma fjellet gjennom handverk, kunnskap og slit.
Læringsmål
Kvernsteinsparken er eit fantastisk eksempel på handel og handverk, der elevane kan oppleve korleis vikingane utnytta naturressursar, utvikla handverk og bygde forbindelser med andre land gjennom eksport av kvernsteinar. Elevane lærer kvifor kvernsteinar var viktige for vikingane sin kvardag og matforsyning, og kan beskrive korleis kvernsteinsproduksjonen i Hyllestad knytte Noreg til handel med land som Island, Færøyane, Shetland, Sverige, Danmark, Tyskland, Polen og Estland. Dei reflekterer over samanhengen mellom naturressursar, handverk og samfunn, får kjennskap til overgangen frå vikingtid til kristen mellomalder, og opplever korleis menneska har forma landskapet gjennom arbeid og teknologi. Gjennom spennande historier om handel, reiser og bytte av varer får elevane forstå korleis kunnskap, handverk og ressursar gjorde Hyllestad til eit viktig senter i vikingtidens nettverk.
1. Velkomen i parken
Kort introduksjon om landskapet og historia
Forteljing om korleis Hyllestad vart eit produksjonssenter i vikingtida
Læraren/omvisar viser fram stein og forklarer kvifor akkurat Hyllestad-steinen var ettertrakta
2. Vandring i parken
Oppdag steinbrotet: Elevane går gjennom eit autentisk område og får sjå spor etter hogging frå vikingtid
Overgang til mellomalder: Produksjon av steinkrossar – symbol på kristendommen si framvekst
Historisk detektiv: Elevane finn og teiknar spor i landskapet (hoggmerke, brotrester)
Forteljarstund: Kva tenkjer elevane om menneska som arbeidde her? Kva kunne dei tene på handelen?
3. Avslutning og refleksjon
Diskuter: Kva likskapar finst mellom vikingtidas handel og dagens eksport frå Noreg?
Kva har vi lært om korleis steinbrotet i Hyllestad var knytt til både kvardagsliv og verdshistoriske hendingar?
Korleis heng naturressursar, tru og handel saman?
Kva for spor etter menneska i fortida kan vi sjå – og korleis minner det oss om vår eiga tid?
*Kopling til kompetansemål (LK20)
Samfunnsfag:
utforske korleis menneske i fortida skaffa seg det dei trengde, og korleis samfunn og teknologi utvikla seg
samtale om årsaker til og konsekvensar av handel og kontakt mellom ulike kulturar
Kunst og handverk:
bruke materiale og teknikkar frå ulike tradisjonar
reflektere over korleis handverk er del av kulturarv
Norsk:
uttrykke opplevingar og innsikt gjennom munnlege og skriftlege tekstar*
Maximum attendees
30
Duration
3 timer
Time period
April - November
Cost
Free
Other info
For nærare informasjon om våre pedagogiske opplegg, fasilitetar i parken, ber vi om at de tek direkte kontakt med Kvernsteinsparken. Våre tilsette svarar gjerne på spørsmål om tilrettelegging for barnehage- og skulebesøk, grupper og enkeltpersonar, og kan gje detaljar om dei ulike aktivitetane vi tilbyr. Vi legg stor vekt på å tilpassa opplegga etter aldersgrupper og behov, og ønskjer å skapa både lærerike og trygge opplevingar i eit inspirerande miljø. Kontakt oss for å avtala tidspunkt og planleggje eit besøk som passar for dykk. Kvernsteinsparken er ein utandørsarena med uisolerte formidlingsbygg. Ein lyt difor kle seg etter vêr og vind, gjerne i ull og eigna fottøy for vandring i ulendt terreng. Fare for bållukt. Til dels universelt utforma bygningar og formidlingsløype. Ta kontakt for ev. ynskje om tilpassing.