Share to
Ei tverrfagleg oppleving i Kvernsteinsparken
I Kvernsteinsparken får elevane oppleve korleis produksjonen av kvernstein knyter saman fleire viktige epokar i norsk historie: vikingtid, kristninga av landet, mellomalderen og svartedauden. Aktiviteten gir eit nært møte med menneska som forma fjellet, med kunnskap, slit og handverk som la grunnlag for liv og kultur i Norden.
Samtidig vil vi sjå på dei mange steinkrossane som vart produserte i Hyllestad i høgmellomalderen. Desse symboliserer kristendommen si framvekst, og er tett knytte til den same kunnskapen og ressursane som kvernsteinproduksjonen bygde på.
Læringsmål:
Gje elevane innsikt i korleis steinbrot og kvernsteinsproduksjon var ein nøkkelindustri i Norden i over tusen år.
Synleggjere samanhengen mellom naturressursar, handel og kulturhistorie.
Utforske korleis vikingtid, kristendom, og pest påverka menneska, og lokalsamfunna i Hyllestad.
Gje elevane erfaring med å tenkje historisk og reflektere kring kvardagsliv, arbeid og tru i fortida.
Pedagogisk gjennomføring:
- Introduksjon på staden
Velkomen i parken, kort om Kvernsteinbrotet som historisk landskap.
Læraren/føraren fortel om kva kvernsteinen var brukt til (male korn → brød → livsgrunnlag).
Elevane får høyre korleis Hyllestad vart eit senter for produksjon, og kvifor akkurat denne steinen var så ettertrakta.
- Historisk kontekst
Vikingtid: handel, utveksling og reiser – kvernsteinen som ein del av den nordiske økonomien.
Kristendommen: steinkrossane i Hyllestad – symbol på ny tru og på kunnskapen til steinhoggarane.
Svartedauden: folketap, færre hender til å drive produksjonen, nedgangstider.
- Aktivitetar for elevane
Oppdag steinbrotet: Elevane går gjennom eit autentisk område og får sjå spor etter hogginga.
Hands-on oppgåver:
Prøve å hogge i granatglimmerskifer, bli kjent med verktøy og steinarbeid..
Diskutere kvifor steinhoggarane måtte ha samarbeid, teknikk og tålmod.
- Avslutning og refleksjon
Kva har vi lært om korleis steinbrotet i Hyllestad var knytt til både kvardagsliv og verdshistoriske hendingar?
Korleis heng naturressursar, tru og handel saman?
Kva for spor etter menneska i fortida kan vi sjå – og korleis minner det oss om vår eiga tid?
Maximum attendees
30
Duration
3 timar
Time period
April - November
Other info
For nærare informasjon om våre pedagogiske opplegg, fasilitetar i parken og gjeldande prisar, ber vi om at de tek direkte kontakt med Kvernsteinsparken. Våre tilsette svarar gjerne på spørsmål om tilrettelegging for barnehage- og skulebesøk, grupper og enkeltpersonar, og kan gje detaljar om dei ulike aktivitetane vi tilbyr. Vi legg stor vekt på å tilpassa opplegga etter aldersgrupper og behov, og ønskjer å skapa både lærerike og trygge opplevingar i eit inspirerande miljø. Kontakt oss for å avtala tidspunkt, få prisinformasjon og planleggje eit besøk som passar for dykk. Kvernsteinsparken er ein utandørsarena med uisolerte formidlingsbygg. Ein lyt difor kle seg etter vêr og vind, gjerne i ull og eigna fottøy for vandring i ulendt terreng. Fare for bållukt. Til dels universelt utforma bygningar og formidlingsløype. Ta kontakt for ev. ynskje om tilpassing.