Bygning med to tømra rom og sval. Eine rommet har dør inn frå svalen, det andre har dør inn frå baksida. Opphaveleg har det vore rom frå svalen også til det andre rommet, men denne døra er bolka att. Romma er ikkje forbunde med kvarandre.
Tørrmur som underlag. Torvtak.
Bua er opphaveleg frå Olabruket på Bergset gnr/bnr 96/6 Utvik - no: 176/6 Stryn.
På Bergset stod bua med gavlen mot bekken.
Brukaren Ola Andresson ga huset til garden Fjellkårstrand etter ein brann på Fjellkårstad i 1828. Bua vart då sett opp på Olabruket på Fjellkårstad gnr / bnr 93/3 Utvik
Bua vart nytta som kjøt- og kornbu.
På Fjellkårstrand vart bua sett langsetter bakken med svalgangen på øvre sida.
I rommet med dør frå svalen er det spor etter at dørstokken har vore nytta som hoggestabbe. I det andre rommet er det spor etter kornbingar.
Etter jordskiftet måtte brukaren på 93/3 (Olabruket), Bent Jonson frå Hopland, flytte ut og bygge nye hus. Då vart denne bua flytt opp til bøgarnden og nytta som gardfjøs.
Huset snudde no nord-syd att.
Det var då laga møkglugg i eine gavlveggen og innsett eit lite glas. Indre tverrveggen vart teken ut. Mogeleg også då døra på baksida kom til.
--
Fjellkårstad er truleg oppkalla etter Kårstad i Utvik.
Oppføring: 1600 - 1800
(Datert til 16-1700-tal av Arne Berg ut frå oppl. om ein inskripsjon som no er borte "1671" og tømremåten. Jacob Aaland meinte at bua var "fraa 1500-aarstalet".)
Opphaveleg frå Olabruket på Bergset, gnr/bnr. 96/6, Utvik
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».