"Moritsstova" Moritsbruket, Rygg 12/3
Frå årsmeldinga 1938-39:
"Sidan Robert Kloster rådde til å rive Ramnestadstova og setje opp ei betre i staden, har styret kjøpt den gamle stova i Morisgarden, Rygg, og det er tanken p flytte denne stova til museet til våren"
Rygg var grannegarden til Ramnestad, og på Moritsbruket ville stova bli fråflytt når eit nytt våningshus var ferdig. Stova var bygd i 1861 og var etter sigende den siste typen røykstover i Nordfjord.
Moritsstova var ei av dei største røykomnstovene i bygda (Informant Anders Austrheim, "Sjur-Anders" 1882-1977). Den var også den siste i dette grannelaget (Anna Morits).
Stova har jarnomnar - etasjeomn i stoverommet og ein kisteomn i koven. Ilfg. informmant var det opphaveleg to piper, men etterkvart gjekk dei inn på felles pipe. Stova har ljore. Det betyr at den anten opphaveleg var ei røykstove, eller at ljoren var bygd "etter gamal vane" for å sleppe inn lys.
Anna Morits f.1900, fortel:
All mat vart til dagleg kokt på omnen i stoverommet (ved gjestebod brukte dei masstova/matstova).
Reparasjeonsarbeid, spinning, veving og strikking gjorde dei inne i stoverommet vinterstid. Veven stod i høgsetekråna etter jul og fram til påske. Rennebommen sin plass var mellom dørene. I gongen bak utedøre hadde dei daglegkleda hengande. (Dei andre kleda og tepper var på nystovelemmen). Kvar laurdag føremiddag skura dei golvet og vaska til helga. Storvask vart gjort til jonsok, jul og påske. Då vart også sengehalmen bytt.
Ternene (tenestejentene) sov ofte på kovelemmen.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».