Part of exhibition
History
-
-
Frå føraren på Valdres Folkemuseum (2012):
"Skysstasjon frå Nystøga, gnr. 1, bnr. 1, på Filefjell i Vang. Eldste delen skal vera frå 1760-åra. Ombygd fleire gonger. På Nystøgun har det i rekkjefylgje vore fjellstove, gjestgjevarstad, skysstasjon og hotell frå midten av 1600-talet og fram til i dag. Det trongst mange hus på dei største skysstasjonane. Sist på 1800-talet var det fem bygningar på Nystøgun. Bygningen som museet har i dag, stod i midten og vart difor kalla Midtgarden. I 1954 vart bygningen teken ned og gjeven til Valdres Folkemuseum. Fire år seinare vart dei andre gamle bygningane på Nystøgun øydelagde av brann."
Frå Knut Hermundstad handskrevne "Husbok for Valdres Folkemuseum" (1950-talet):
"(...) Midtgardsbygningen er omlag 12,2 m lang og 5,2 m brei. I 1. høgd er det ei stor stove. Frå denne går ei dør inn i vasskleven, der det er peis. Jamsides vaskekleven er ein innebygd gang med dør inn i stova og så ei trapp opp i andre høgdi. Frå gangen går det ei dør inn i eit soverom. Jamsides soveromet er gang inn på vasskleven. Denne gangen er laga til i nyare tid då tilbygget vart sett attåt. Frå gamalt gjekk utgangen frå vasskleven, som òg var kjøkken med peis, ut gjennom ei nasasval. Dette synes på gamle bilete, såleis på s. 41 i Valdres Bygdebok II. Det midtre huset her er Migardsbygningen. (...) Frå hovudinngangen i fyrste høgd kjem ein opp trappi oppå støgogangen. Herifrå går det tre dører, ein inn på sjølve uppåstøga. Dei kalla det òg midgardssalen. På båe sider var det skråhimling. Eit vakkert rom med gamle dør- og glaslister og gamalt golv! Rett mot inngangsdøri til uppåstøga gjekk ei dør inn på nøre soverom med gamalt låstverk og gamalt golv og panel. Midt mellom desse rom var midtre soveromet. Dette er no den einaste gamle bygning som er att av Nystoga. Huset er bygt i fyrsten av 1800-talet. (...) I stoga i 1. høgd er det 4 firkanta åsar og så er det måla frisor etter taket. Dette rom er inne og utanpå bordkledde med handhøvla og ulike breie bord. Dørene har gamle gjenge og gamle dørlister.
Frå Harald Hvattum "Valdres Folkemuseum 1901-2001" (2001):
"På Nystøgun har det i rekkjefølgje vore fjellstogo, gjestgivarstad, skyss-stasjon og hotell frå midten av 1600-talet og fram til i dag. Det trongst mange hus på dei største skyss-stasjonane. Sist på 1800-talet var det fem bygningar på Nystøgun. Bygningen som museet har i dag, stod i midten og vart difor kalla "Mikkgarden" (Midtgarden). Dei andre bygningane på skyss-stasjonen var Peisestøga, Raudstøga, Hotellbygningen og ein bygning som ikkje hadde noko spesielt namn. Mikkgardsbygningen var teken ned og gjeven til museet i 1954. Fire år seinare vart dei andre gamle bygningane på Nystøgun øydelagde av brann."
Om skysstasjonsordninga: Sjå Harald Hvattum: På gamle vegar i Valdres: vegbygging, vegvedlikehald og vegstyring i Valdres fram til slutten av 1800-talet (1993).
I 1956 vart Knut Nystuen gjort til æresmedlem av Valdres Folkemuseum.
Frå Norsk Folkemuseum sine registreringar på digitaltmuseum.no:
"Fra Nystuen hotells sine hjemmesider 2004: Nystuen var opprinnelig en fjellgard og stedet har tradisjoner tilbake til 1600 tallet som skysstasjon og fjellstue for reisende over Filefjell. Det går mange historier og sagn om Nystuen i den sammenheng. En av de større bygningene på Nystuen ble i 1956 tatt ned og fraktet til Valdres Folkemuseum. Den er vel tatt vare på der. I samme tidsrom ble gårdsdriften nedlagt. Nystuen hadde frem til 1950 tallet mellom 18 og 20 melkekyr, samt en god del hester. Fjøset, som i dag er nedre del av bygningskomplekset, ble reist i 1947. Hotellet brant ned i 1958 og det meste av bygningsmassen gikk tapt. Den nye vedbygningen sto klar i 1964. Fru Kjær (Bergliot Kjær) overtok hotellet fra Knut Nystuen i 1958 og hun eide det frem til 1970 da Fagernes Hotell overtok. Etter at Fagernes Hotell solgte hotellet, har det hatt vekslende eierskap og vertskap frem til i dag. Hotellet ble stengt i 1996, etter krav fra offentlige myndigheter. Årsaken var at hotellet ikke hadde tilfredsstillende avløpløsninger. Det hadde ikke lyktes daværende eier å få til en løsning i samarbeide med Vang kommune. Ny avløpløsning var på plass i 1999-2000. Hotellet ble lagt ut på salg og kjøpt av nåværende eier, selskapet Tyin Panorama AS. Selskapet har også kjøpt Tyinhotellet med tilhørende eiendommer. Selskapet har lagt ned betydelige ressurser for å få Nystuen i driftsmessig stand igjen."
Sjå fyldig særoppgåve om Nystøga skrive av Bjørn Harald Hamre (Valdres Gymnas, tidleg 1970-tal) (Opplandsarkivet, avd. Valdres Folkemuseum)
I fotosamlinga på Norsk Folkemuseum finst fleire bilete frå Nystøga då ho sto i sitt opprinnelege miljø på Filefjell. Fleire av desse finst på digitaltmuseum.no, sjå mellom anna desse etter fotograf Axel Lindahl:
https://digitaltmuseum.no/011013320039?query=nystova&pos=1
https://digitaltmuseum.no/011013320036?query=nystuen&pos=5
https://digitaltmuseum.no/011013320038?query=nystuen&pos=7
https://digitaltmuseum.no/011013320037?query=nystuen&pos=6
https://digitaltmuseum.no/011013320035?query=Axel%20lindahl%20valdres&pos=10
Sjå også relaterte objekt i fotosamlinga til Valdres Folkemuseum.
ENGLISH:
Nystøga: Coaching inn from the Nystøga farm at Filefjell in Vang. The oldest part of the building is probably from the 1760s. Reconstructed several times, Nystøga has been a mountain inn, an inn, a coaching inn and a hotel from the mid-17th century until today. Many buildings were needed at the larger inns. At the end of the 19th century, there were five buildings at Nystøga. This house was placed in the centre and thus was called the Middle Farm. In 1954, this building was taken down and given to Valdres Folk Museum. Four years later, a fire destroyed the remaining houses at Nystøga farm.
FRANÇAIS:
Nystøga: Relais routier de Nystøga, à Filefjell, Vang. La partie la plus ancienne daterait des années 1760. Le relais a été réaménagé plusieurs fois. A partir du milieu du 17ème siècle jusqu’à aujourd’hui, Nystøga a été successivement une auberge de montagne, une auberge, un relais routier et un hôtel. Il y avait plusieurs maisons dans les plus grands relais. Vers la fin du 19ème siècle, il y a eu cinq maisons à Nystøga. La maison qui est au musée aujourd’hui se trouvait au milieu et était nommée Midtgarden. En 1954, la maison a été déconstruite et donné à Valdres Folkemuseum. Quatre ans plus tard, les anciennes maisons à Nystøga ont été détruites dans un incendie.
-
Oppføring - 1760
-
Endring
Ombygd fleire gonger -
Riving - 1954
-
Gjenoppføring - 1961
-
Aksesjon
- Giver/siste eier Knut Nystuen
-
Relation
Classification
-
- Bygninger (Outline) OU 340
Placement
References
-
- Litteraturreferanse Harald Hvattum "Valdres Folkemuseum" 1901-2001
- Litteraturreferanse Harald Hvattum: På gamle vegar i Valdres : vegbygging, vegvedlikehald og vegstyring i Valdres fram til slutten av 1800-talet
License information
- License Contact owner for more information
Metadata
- Identifier VFF.030
- Part of collection Valdres Folkemuseum
- Owner of collection Valdresmusea
- Institution Valdres Folkemuseum
- Date published November 26, 2015
- Date updated December 3, 2021
- DIMU-CODE 021056019995
- UUID 99d8a34d-2c7b-46e7-8858-c1fb9fc20712
- Tags
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».