Denne badstova er frå Søre-Nerol, gnr. 19, bnr. 1, i Holet. Det er uvisst kor gamal ho er, men truleg frå siste halvdel av 1700-talet. Badstova var ei gåve frå Ola Arneson Nerol (1836-1920), som eigde Søre-Nerol frå 1863. Badstova vart flytt til Hol Bygdemuseum i 1935.
Badstovene var frå byrjinga til bading. Seinare gjekk bruken over til å omhandle turking av korn og malt, og dei blei då utstyrt med mura steingolv (røykomn) og turkehjallar. Badstova har òg jordgolv. På grunn av brannfaren blei badstova og smia gjerne plassert eit stykkje vekk frå dei andre bygningane på garden. Den er elles oppført i tømmer og har torvtak.
Den eine veggen i badstova er full av kulehol. Det er fortalt at det var eksisplass ved Nerol i gamal tid, og at kulehola skriv seg frå soldatskyting.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».