Dette eldhuset er frå Flåten, gnr. 69, bnr. 2, i Ustedalen. Det er uvisst kor gamalt eldhuset er, men hadde truleg stått på garden då han vart delt frå Løyte i 1777. Eldhuset vart gjett i gåve til Hol Bygdemuseum i 1956, av dei dåverande eigarane Olav Simonson Pukerud (f. 1909) og Liv Steinsdotter Hamarsbøen (f. 1907). Dette eldhuset har eitt rom, er tømra med torvtak og har jordgolv.
Eldhuset fungerte på mange måtar som eit grovkjøkken. Her blei det partert slakt, kokt såpe, brygga øl, baka flatbrød og vaska klede. I eldhuset kunne det òg varmast opp eller kokast dyrefôr. Eldhuset har difor ein lang tradisjon som eit av dei viktigaste bygga på ein gard. I Gulatingsloven (gjeldande fram til kring 1274) stod det mellom anna at det var tre ytterdører som skulle vere i orden når ein leiglending (ein som leiger jord) forlét garden; det var dørene til stova, buret og eldhuset.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».