Skatollet er mest sannsynleg laga av snekkar Ola Aase på Sandnes og sto opphavleg i bestestova i Garborgheimen. Møbelet fylgde Ane Oline Garborg då ho flytta til Sandal ved Stavanger i 1870, så til Stavanger sentrum, vidare til Heigre i 1884, og så til Gimrahuset i Storgata i Sandnes sentrum. Ane Oline ville at skatollet skulle bli i slekta, og grunna plassmangel på Sandnes fekk Arne Garborg det til Knudaheio i 1905.
LitteraturreferanseSkatolet hennar mor, med skjenken, er no kome til Knudaheio. I føregårs kveld kom det hi. I går vaska eg og stelte det; i dag er det oppsett. Og stovo tek til å verta heimsleg. Skatolet hennar mor, som han Trond målar hadde måla raudt, [...] er noko-så-nær det einaste "ljose" eg hugsar frå heimen min. [...] mykje gildt var det i det: Sylvskeiene i skjenken, gamal og nyare sylvstas og gullstas som ho mor åtte, eller som fylgde garden frå gamalt var der, [...] og så tykjest eg hugsa at der var eit og anna løynedrom, der ho mor hadde sùmt godt, sukker, kringler og såvore, som me barna kunne få smaka på stundom når me hadde vore snille. Dagbok, Arne Garborg
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».