aboutRett jakke, to store påsydde lommer nede, ei stor brystlomme, kinesarkrage, isette erme. Metallknappar, 3 stk, i front - 2 er rusta bort. 3 knapphol sydd, men ikkje spretta.
Det var forurensing i sinksulfatoppløysingar som blei fanga opp på desse bomullsdukane. Etter bruk blei dei vaska i retursyre og så i vatn. Deretter blei dei bruka på nytt eller tatt ut og gitt vekk til privat bruk.
Heimesydd truleg frå krigsåra eller like etter 1945 trur gjevar. Svært tjukt stoff, kanvasduk, vanskeleg å sy heime, men ein måtte hjelpa seg som best ein kunne.
Namnet "sinkduk" vanleg på folkemunne. Bruka i produksjonen på sinkverket. Låg i botnen av pressa med papirduk oppå. Storleiken var tilpassa form i pressene for filtrering eller utfelling av avfallsstoffer i den brunlege flytande massen (oppløyst zinkmalm) som kom frå Røsteanlegget til Lutingsavdelinga. Filtrert masse vart etterpå pumpa vidare til elektrolysehallen.
Tidspunkt for oppstart av filtreringsmetoden ukjend, men tidleg, - kanskje frå start (1929). Ny filtreringsmetode tatt i bruk midt på 1990-talet.
Tilsette fekk utskifta "sinkduk" til privat bruk. Svært utbreidd og populært som kraftig presenning til fiskegarn, til å leggja på frontruta på bilane mm. Trekte lite vatn pga impregnering. Under/etter krigen og bruka til arbeidsklede.
Produksjon: 1940 - 1945
(Opplysningar frå gjevar)
Maskinsydd med kun rettsaum. Heimesydd av kraftig bomullsduk frå filtreringspresser i Lutningen
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».