Legekoffert

Legekofferten til overlege og distriktslege Hans Chr. Wennevold. (1896-1988). Wennevold var overlege ved Nordfjord sjukehus på Nordfjordeid frå starten i 1936 til 1968. Han var også i lange periodar distriktslege i Eid kommune. Wennevold var også ein habil amatørmålar. Han fekk kongens fortenestemedalje i gull. Ved overrekkinga av medaljen vart han takka for den store og heilhjarta innsatsen for Nordfjord sjukehus. Ei byste av Wennevold er reist ved inngongen til dette sjukehuset (kjelde nrk SF fylkesleksikon 24.januar 2011).

Wennevold var kjent for stor arbeidskapasitet, faglege dugleik og godt humør. Han var spesialist i kirurgi og radiologi. Han var fødd i Oslo og arbeidde som lege fleire stader i Noreg (Rikshospitalet, Oppland fylkessjukehus, Stavanger sjukehus, Kysthospitalet i Hagavik, Betanien Hospital i Bergen og Trondheim sjukehus) før han kom til Nordfjord (Kjelde: Kulturhistorisk leksikon Sogn og Fjordane, Kleppa) (sjå elles referanse til nettsider).

Usikkert kor lenge legekofferten var i bruk. Det er mynter oppi den, og ein mynt er frå år 1973.

Aksesjon: 2010 (Mottaksskjema)

Bruk: 1922 - 1968 (Den tida han var yrkesaktiv. På Eid frå 1936.)