Photo:
Albertsen, Ragnar H.
/
Nynorsk kultursentrum
(Opphavsrett)
Reiseskrivebord
About the object
about
Skrivebordet kan opnast med to hengsler bak. På framsida kan det låsast med nøkkel. Når loket er opna, der der fem lok ytst (altså lengst frå hengslene) - to små ut mot kantane, og eit større (med lok) i midten. I det som då vert botnen er det òg eit rom, det ser ut som om fjøla lett kan takast vekk (eg har ikkje demontert monte...
Skrivebordet kan opnast med to hengsler bak. På framsida kan det låsast med nøkkel. Når loket er opna, der der fem lok ytst (altså lengst frå hengslene) - to små ut mot kantane, og eit større (med lok) i midten. I det som då vert botnen er det òg eit rom, det ser ut som om fjøla lett kan takast vekk (eg har ikkje demontert monteren, men baserer meg på registreringa frå 1977).
Den eine hengsla er litt laus.
Ved registreringa i 1977 vart dette registrert som "Kasse".
Etter tradisjonen skal Ivar Aasen sjølv ha laga dette reiseskrivebordet. Når han var på innsamlingsferd, tok han truleg berre bordet på fanget, slik at det var raskt klart til bruk. Bordet er ikkje nemnd i dagbøkene, men det er truleg laga i 1840-åra, til bruk på langferda til Aasen.
Dersom me skal festa lit til det Anders Hovden fortel om i boka "Ivar Aasen i kvardagslaget", er det truleg dette "skrinet" Hovden fortel om på side 20 (1996-utgåva). Der fortel Hovden om ein gong då Aasen kom til ein gjestgjevargard, der det seinare same kveld kom inn ein handelsreisande. "Um morgonen sat han på eit skrin, som det stod namnet Ivar Aasen på. Aasen var alt namngjeten, og verten trudde det måtte vera han som kom sist, og vilde jaga han av skrinet. "Du sitter jo og gnir malingen av ." - "Det er mitt eige skrin," svara Aasen tøymeleg. Men då vart det stor orsaking."
Aksesjon: December 5, 1896 - December 12, 1896
(Grepstad, Ottar (2008): "Ivar Aasen-tunet gjennom 200 år. Minnebok 30. april 2008")
Aasen-familien mottok gjenstandane etter Aasen i denne perioden. I brev frå Jon R. Aasen til Johannes Belsheim: "Aasens bøker og bokhave er no komne til Volden. Me hev køyrt hit i Aasen 3 las, men minst 2 las er att. Alt var vist i god behold - 25 colli."
Aksesjon: July 15, 1941
(Kontrakt mellom Sunnmøre Museum, Aasen-arvingane og Ørsta-kommune datert 15.7.1941)
Ivar Aasen-samlinga blir overført til Sunnmøre Museum, men føresetnaden er at samlinga skal haldast i Ivar Aasen-museet i Åsen, Hovdebygda
Fotografering: January 1, 1997 - December 31, 1997
(Engeset, Jens Kåre (2004): "Glimt frå soga til Ivar Aasen-museet 1897-2000")
John Aage Gjestrum fotograferte gjenstandane i Ivar Aasen-samlinga og utarbeidde ein gjenstandskatalog med informasjon om gjenstandane. Jens Kåre Engeset hjelpte til med informasjon om gjenstandane.
Fotograf ved Fylkesfotoarkviet, Ragnar H. Albertsen, tok nye og gode gjenstandsbilete av heile samlinga. Nokre bilete vart tekne tidlegare, i samband med boka "viljen til språk" (Grepstad, 2006).
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».