Nøkkel som er sterkt tæra av rust. Grepet har ei hjerteform utan spiss, der eine halvdelen er større enn andre. Skaftet er rundt og innhola. Skjæret har to avrunda taggar og eit innskjær.
I fylgje protokollen til Martin Sælid er gjenstanden funnet på "ei høge ca 300 m vestanfor Murkelien" av Ingrid Nygård Røn.
Martin Sælid (1899-1978) reiste på kryss og tvers i Valdres og kjøpte gamle gjenstandar. Han samla på alt som var gammalt, som våpen, myntar, sølv, spenner, knappar, bollar, kister, auser, bøker, kle og skinngjenstandar. Martin førde nøye oversikt over alle gamle gjenstandar han eigde, og han var oppteken av å få med namn på tidlegare eigarar og andre historier knytt til gjenstandane. Han teikna skisser og skreiv sirleg inn opplysingane i bøker.
Sælid var engasjert i drifta ved Valdres Folkemuseum. Han var m.a. styremedlem i 30 år, aktivt med å sette opp mange av dei antikvariske husa, og han lærde opp nye omvisarar om somrane. Han fekk museets gullmedalje for denne innsatsen.
I 2012 gav familien store delar av gjenstandssamlinga Martin Sælid etterlot seg til Valdres Folkemuseum. Til saman består gåva med stort og smått av bortimot fire hundre gjenstandar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».