Frå Martin Sælid sin katalog:
"Snuskvern, Spikka av bjørk 24 cm høg og 9,4 cm ever opningen. Den er pokalforma med otkanta for og rund stett. Den har fire render med karveskurd rundt, tre over for foten og ei på stetten. Kolven til å knuse tobakken med er borte. Den vart brukt på denne måten: Tobakken som skulde malast til snus ...
Frå Martin Sælid sin katalog:
"Snuskvern, Spikka av bjørk 24 cm høg og 9,4 cm ever opningen. Den er pokalforma med otkanta for og rund stett. Den har fire render med karveskurd rundt, tre over for foten og ei på stetten. Kolven til å knuse tobakken med er borte. Den vart brukt på denne måten: Tobakken som skulde malast til snus vart turka på tynne steinhellor i peiselden til den var knusturr so vart den hatt i kverni (morteren) og malen til støv med ein kolv som vart snurra rundt. Eg bytte den av Anton A. ovre Rogndokken 3/9-1944. Der hadde den vore brukt på stølen i Murkelien, som kaffe kvern i eit par mannsaldrar.
Martin Sælid (1899-1978) reiste på kryss og tvers i Valdres og kjøpte gamle gjenstandar. Han samla på alt som var gammalt, som våpen, myntar, sølv, spenner, knappar, bollar, kister, auser, bøker, kle og skinngjenstandar. Martin førde nøye oversikt over alle gamle gjenstandar han eigde, og han var oppteken av å få med namn på tidlegare eigarar og andre historier knytt til gjenstandane. Han teikna skisser og skreiv sirleg inn opplysingane i bøker.
Sælid var engasjert i drifta ved Valdres Folkemuseum. Han var m.a. styremedlem i 30 år, aktivt med å sette opp mange av dei antikvariske husa, og han lærde opp nye omvisarar om somrane. Han fekk museets gullmedalje for denne innsatsen.
I 2012 gav familien store delar av gjenstandssamlinga Martin Sælid etterlot seg til Valdres Folkemuseum. Til saman består gåva med stort og smått av bortimot fire hundre gjenstandar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».