Forkle.
Handsydd. Hovudstoffet er svart, stiv og tett ulldamask. Sterkt glansa på rettsida.
Sydd saman av to smale stoffhøgder som har jare i båe sider.
Vrangsydd med små forsting. Saumrommet er ca. 0,7 cm.
5,7 cm høg linning av svart, litt stivt lerretsvove, valka ullstoff. Vrangsydd til overkanten, bretta over og sydd ned med prikkesting på retta. Bretta rundt, og sydd ned med faldesting på vranga. enkel innbrett i kvar ende, sydd ned med faldesting.
Faldelagt inn til 31 cm breidd med 6 faldar på kvar side, lagde utover frå eit 5,7 cm breidt glatt midtstykke.
18 cm høg skoning av mørk blåsvart, kypertvoven vadmål av litt stivt grovullsgarn.
Skøytt i venstre side med ein snipp av eit litt grovare, svart vadmålsstoff. Eitt 4,4 cm høgt band av silke og metalltråd med blomar i raudt, rosa, blått, gult og gull og ljose og mørkegrøne blad på raud, gul, svart og gullstripete botn. Dette bandet er montert i vinkel i hjørna. På tvers av dette, og med endene stukne innunder dette, er det montert to band.
Fyrst eitt 4,6 cm breidt i silke og metalltråd med blomar i gult, oransje, raudt, rosa og gull på ein grøn, raud, gul og gullstripete botn. Over dette eitt som er likt bandet som går i vinkel.
Alle tre banda er sydde ned med små faldesting i brun lintråd som går gjennom skoningen og festar denne. 0,4 cm brei rulorkant av raudt, lerretsvove ullstoff. Grovt og stivt nok til å vere
heimevove, sydd ned med forsting.
Bandet som har lagt i vinkel (og ruloren) går 16-17 cm oppover sidekantane, målt frå nedre kanten.
Forkleet er i god stand, med unnatak av flekkar på vranga og lettare insektsangrep (luven på
vadmelsskoningen).
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».