Tur til Vikestølen, 1916. Frå venstre: Ragnhild Mikkelsen, Gurine Veastad Skartland, Signe Simonsen Tindeland, Elisabeth Simonsen, Bendik Veastad, Valborg Veastad Mikkelsen, Osmund...

Tekstutdrag som følger med biletet:

"Vikestølen har lenge vore eit poulært turmål for folket i Bjoa og Vikebygd. Den årlege Vikestølstemna tok til så tidleg som i 1900. Dette biletet er frå 1916 ved den gamle stølshytta på Vikestølen - kanskje er det nett ei Vikestølstemne det gjeld denne dagen? Det ser ut til at det er dravle eller liknande som flokken her er i ferd med å nyta. Legg elles merke til dei flotte hattane som var i bruk den gongen."

----------------

Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: 1916

Produksjon: 1985