Postkort med motiv frå Haugsgjerdet i Bjoa sett mot nordaust, ca. 1910. D/S Rosendal ligger ved rutebåtkaien. I bakgrunnen til høgre ser ein Romsaøyane.

Haugsgjerdet fekk både postopneri og rutebåtanløp i 1908. Det var Mons Hauge som først starta handel på Hauge og som fekk i stand rutebåtsamband med dampbåt på Haugsgjerdet.
D/S Rosendal var eid av Haradanger Sunnhordlandske Dampskibsselskap.

------------------------

Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: 1910 (ca.)

Produksjon: 1985