History
-
Blokka på Eide vart bygd som "Søsterheim" i 1957-1959. Søsterheimen vart bygd for å løysa bustadspørsmålet for sjukepleiarane ved det nye Indre Hardanger Sjukehus. Sjukehuset leigde bygget av kommunen, og overlege Brynjulfsen budde i ei stor leilegheit på toppen. Kvaliteten på innreiinga var framifrå, med dører i mahagoni og vindauge i teak, Evalet-kjøken og oppvaskbenk i rustfritt stål, fliser på bad. Sjølve bygget er i betong, med ei indre berande kjerne som inneheld trapper, heis, korridorar, sjakter osb. Ytst vert dekka helde opp av søyler. Mellom søylene er det montert lette ytterveggar av tre med brannherda kledning. Ei bitrapp er naudutgang i bygget på ni etasjar á kring 240 kvm, samla storleik 2149 kvm, fordelt på fem leilegheiter, 45 hyblar og butikklokale, kantine og resepsjon. Byggekostnad var på om lag 1,25 mill. kroner. Entreprenør var ingeniør C. Vogt Kielland. Arkitektar var Bjarne Howlid og Bent Næss frå Stabækk.
I første etasje hadde Odda Samvirkelag butikk, Gurid Skår hadde bokhandel. Ho bytta seinare lokale med frisør Grete Mannsåker. Då bygget vart elevheim frå hausten 1966, vart det laga til ei kantine/kafeteria for elevane. Fram mot slutten av 1970-talet budde mellom 50 og 80 elevar på hyblar i huset, med fleire på kvar hybel og ventelister. Om sommaren var det ungdomsherberge i elevheimen. Det vart tilsett vertsfolk eller internatstyrar. Styrar var ansvarleg for drifta heile året. Hordaland fylke overtok elevheimen vederlagsfritt frå Odda kommune i 1976. Ein hybel for ein person kosta no kr. 200 pr. mnd., kr. 150 per pers. i tomannshybel.
Fylkesskulestyret la ned drifta av elevheimen i 1989, men hadde skulelokale for yrkesskulen - den tekniske fagskulen - der til 1994/95. Etter kvart hadde bygget fått namnet "Den røde rubin" - eller berre "Rubinen" - etter romanen "Sangen om den røde rubin" av Agnar Mykle. Ei tid kom det forslag om riving av bygget, men Fylkeskommunen lyste "Rubinen" ut for sal fyrste gong i 2002, og selde det i 2008 til ein privat eigar frå Bergen.
Styrarar på elevheimen har vore: Harald og Anne Marie Knutsson, Valborg og Fredrik Dahl, Leif Lohne, Margit Aga Jordal.
License information
Metadata
- IdentifierI-08453
- Part of collectionKraftmuseet - Norsk vasskraft- og industristadmuseum
- Owner of collectionHordaland
- InstitutionKraftmuseet
- Date publishedMarch 24, 2021
- Date updatedSeptember 29, 2023
- DIMU-CODE021019677356
- UUIDd147ab2a-eb51-4d54-ae59-97de4101716f
- Tags
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».