Utanfor forretningen Haafoss handelslag A/S i Etne, 1943. Frå venstre: butikkhjelpar Anna Mæhle, butikksjef Arthur Torgersen, Valborg Torgersen (f. Rygg, gift med Arthur) og butikk...

Haafoss handelslag A/S vart driven av Arthur og Valborg under andre verdskrigen. Etter krigen flytta dei til Asker.

Anna Mæhle vart gift med Jørgen Gravelseter.

Klara Veivåg var frå Bekkjarvik. Ho vart seinare tilsett ved Haugesund sjukehus.

---------------------

Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: 1943

Produksjon: 1985