Frå venstre: Hjørdis Vaa (g. Bø), Ingebjørg Vaa (g. Valen), ukjent, Arnhild Naadland i stolen

Arnhild Naadland

Fødd på Telemark folkehøgskule i Seljord 26/11-1895, Død i Seljord Juni 1988.

Foreldre: Jakob Naadland 30/3-1870 – 20/6-1957 og Kristine Naadland f. Olsen, 16/7-1868 - 24/2-1951

Jakob Naadland var lærar hjå Viggo Ullman medan folkehøgskulen var i Seljord, og overtok som styrar i 1902.

Hausten 1914 flutte høgskulen til Kviteseid, og dei sette opp ny skulebygning og etter kvart gymnastikkbygg på garden Utsund. Naadland dreiv skulen og etter kvart vart Arnhild Naadland og bror hennar Jostein Naadland lærarar der heilt fram til han vart pensjonist i 1940. Då overtok Olav Naadland som styrar fram til tyskarane rekvirerte bygningane til hirdskule i 1941. Etter krigen var det vanskelege tider for høgskulane og skulen vart nedlagt og garden seld i 1955.

Arnhild Naadland var lærar frå 1913 og så lenge skulen var i drift.

Ho gjekk på gymnastikkutdanning på Askov i Danmark, Industriskulen i Oslo, og matstellutd. På Eidsvoll.

Opplysningar frå Trine og Kristi Naadland 2018